تھائی لینڈ کی پارلیمنٹ نے ایک مسودہٴ قرارداد کو منظور کر کے ملک میں مستقبل کی پالیسی سازی میں فوج کے کردار کا تعین کر دیا ہے۔
اس نئی قانون سازی کے تحت ایک قومی اسٹریٹیجی کمیٹی تشکیل دی جائے گی جو آئندہ دو دہائیوں تک ملکی پالیسیوں پرنگاہ رکھے گی۔
اس کمیٹی میں ملکی فوج کی نمائندگی بھی ہو گی۔ پارلیمنٹ میں اِس بل کے حق میں 281 ووٹ ڈالے گئے اور مخالفت میں کوئی ووٹ نہیں پڑا۔
تھائی لینڈ میں فوج مئی سن 2014 سے ایک بغاوت کے بعد اقتدار سنبھالے ہوئے ہے۔
