شاعر،ادیب،مرثیہ نگار،استاد،محقق اور عالمی اخبار کے مدیر اعلی صفدر ھمدانی یکم ستمبر کو لندن سے کویت کے پندرہ روزہ علمی ادبی دورے پر تشریف لا رہے ہیں۔
انہیں اس دورے کی دعوت انجمن تخلیق و تہذیب کویت کی سربراہ شاہین اشرف علی،انکے شوہر اشرف اور تنظیمی احباب نے دی
صفدر ھمدانی اس سے قبل بھی جنوری دوہزار گیارہ اور جون دوہزار تیرہ میں کویت کے علمی ادبی دوروں پر آ چکے ہیں اور اس مرتبہ یہ انکا تیسرا سفر کویت ہو گا جسکا اہم ترین مقصد انکے علمی ،ادبی،قلمی اور فکری سفر کے نصف صدی سے زیادہ کے سفر کا احاطہ کرنا اور انکو خراج تحسین پیش کرنا ہے
اس حوالے سے ایسی ہی ایک تقریب چند ماہ قبل لندن میں بھی منعقد ہو چکی ہے تا ہم انجمن تخلیق و تہذیب کویت نے طے کیا وہ صفدر ھمدانی کو کویت مدعو کر کے انکو تحفہ تحسین و آفرین پیش کرے گی
انجمن کے چنیدہ احباب یکم ستمبر کی صبح کویت کے ہوائی اڈے پر انہیں خوش آمدید کہیں گے اور عید کا دن وہ کویت کے دوستوں کے ساتھ منائیں گے
سب سے بڑی اور اہم تقریب پذیرائی چار ستمبر کو منعقد ہو گی جسکی تفصیل الگ خبر میں مشتہر کر دی جائے گی
صفدر ھمدانی اس تقریب پذیرائی کے علاوہ متعدد نجی علمی ادبی دینی اور فکری محافل میں بھی شرکت کریں گے
شاہین اشرف علی
کویت
