سعودی عرب کے ولی عہد شہزادہ محمد بن سلمان کے دورہٴ برطانیہ کے آخری دن اڑتالیس ٹائیفون جنگی طیاروں کو خریدنے کی ڈیل طے پا گئی ہے۔
سعودی ولی عہد نے برطانوی وزیر دفاع گیون ولیمسن سے جمعہ نو مارچ کو ملاقات کی۔ اس دورے کے دوران دونوں ملکوں نے دو طرفہ تجارت کو 65 بلین پاؤنڈ تک وسعت دينے پر بھی اتفاق کیا۔
برطانوی جدید جنگی طیارے ٹائیفون کو فرانسیسی لڑاکا طیارے رافیل کے مساوی قرار دیا جاتا ہے۔ اب تک ٹائیفون کے خریداروں میں آسٹریا، کویت، عُمان اور سعودی عرب شامل ہیں۔ گزشتہ برس خلیجی ریاست قطر نے بھی دو درجن ٹائیفون جنگی طیارے خریدنے کی ڈیل طے کی تھی۔
