ملائک سُن کے نعرہ یا علی کا خوب جھومے ہیں
نشے میں چاند سورج اور سبھی افلاک گھومے ہیں
علی کا نام اسم نور ہے سدرہ سے بالا ہے
میرے سب لفظ چھوٹے ہیں مناقب میں جو لکھے ہیں
یہ کاغذ پر جو لکھا ہے علی مولا علی مولا
یوں لگتا ہے ہزاروں چاند ہر نکتے میں بکھرے ہیں
کبھی مُشکل زمیں سے آسمانوں تک ہے جب آئی
خدا شاہد ہے نبیوں سے بھی یہ ہی نام سنتے ہیں
علی کے نام پہ دریاؤں کی بھی سانس رَکتی ہے
کیا ایسے معجزے اہل مودت نے بھی سوچے ہیں
ہر اک قطرے سے آتی ہے صدا حیدر علی حیدر
بنام مرتضی صحرا پہ یہ جو ابر برسے ہیں
یہ میرے ساتھ برسوں سے ہوا ہے معجزہ اکثر
علی لکھا جو صفدر تو قلم نے ہاتھ چومے ہیں
صفدر ھمدانی
