گورنر سندھ محمد زبیر کا کہنا ہے کہ حالات پر امن ہیں، آئندہ الیکشن میں عوام کارکردگی دیکھیں اور انتخاب کریں، امن وامان کو قائم رکھا جائیگا، تمام سیاسی جماعتوں کے لیے دروازے کھلے ہیں

پولو گراؤنڈ کراچی میں نماز عید میں گورنر سندھ محمد زبیر، میئر کراچی وسیم اختر، ایم کیوایم رہنما فاروق ستار، ایم کیوایم پاکستان کے سربراہ ڈاکٹر خالد مقبول صدیقی، عامر خان، خواجہ اظہار الحسن، کمشنر کراچی سمیت معززین اور عمائدین شہر کی بڑی تعداد نے شرکت کی۔ اس موقع پر سکیورٹی کے سخت انتظامات کیے گئے تھے۔

میڈیا سے گفتگو میں گورنر سندھ کا کہنا تھا کہ رمضان بہت اچھا گزرا، آج امن کے دن دیکھ رہے ہیں، 2013 کے بعد امن وامان کا شروع ہونے والا سلسلہ جاری رہیگا۔ گورنر سندھ نے کہا ایم کیو ایم کو کراچی میں عوام نے مینڈیٹ دیا ہے، رابطہ ہے اور رہیگا میئر زبردست آدمی ہے اور کام کر رہے ہیں۔

SHARE

LEAVE A REPLY