میں نے اپنے گزشتہ مضمون میں یہ بتانے کی کوشش کی تھی کہ حضور ﷺ کی آمد نے پوری دنیا کا نظام بد لڈالا؟ سب سے اہم بات یہ تھی کہ اور جو ایک لاکھ چوبیس ہزارنبی ؑ مبعوث ہوئے ان میں سے کسی کو بھی اللہ سبحانہ تعالیٰ دین کامل اس طرح عطا نہیں فرمایا؟ جس طرح کہ حضور ﷺ کوعطا فر مایا کہ جب بھی جس سلسلہ میں بھی ہدایت کی ضرورت حضورﷺ کو محسوس ہوئی فوراً قرآن کی آیات کی شکل میں وہ نازل ہوتی چلی گئیں اور حضور ﷺ نے اپنے اوپر بھی انہیں نافذ کر کے عملی طور پر بھی دنیاکو دکھایا؟ کچھ وحی ایسی بھی تھیں جو کہ اللہ سبحانہ تعالیٰ اور حضورﷺ کے درمیان حضرت جبرئیل ؑ کے ذریعہ سے پہنچیں اور کچھ بلا واسطہ بھی پہنچیں۔ جیسے حج سے متعلق آخری ہدایات پر مشتمل ہدایات تھیں جوکہ مدینے کے مضا فات میں ایک مسجد سے شروع ہوئیں اور منیٰ کے نشیبی علاقے میں قیام تک جاری رہ کر ختم ہو ئیں۔ان میں سے جو بھی مومن ہیں انہیں تمام ذرائع کو ماننا ہوگا اگر کسی ایک ذریعہ کو چھوڑ دیں تو بات نہیں بنے گی؟ جبکہ ہمارے بہت سے اسلامی جیالے اوروں کی دیکھا دیکھی یہ کہتے ہو ئے نظر آتے ہیں کہ ہمارے لئے یہ کافی ہے اور ہمارے لئے وہ کافی ہے؟ جبکہ دین کاسرچشمہ محمد ﷺ ہیں ان کے بغیر کوئی ایک ذریعہ کافی نہیں ہوسکتا؟ اور یہ شعر جوکہ لوگ کہتے ہیں کہ حضرت شاہ ولی اللہ محدث دہلوی کا ؒہے جن کے خاندان نے کئی صدیوں اور اپنی کئی نسلوں تک قرآن، اسلام اور حدیث کی بے مثال خدمات انجام دی ہیں وہ خود ولی ِ کامل بھی تھے! کچھ کہتے ہیں کہ نہیں یہ کسی اور کا شعر ہے بہر حال چونکہ شعر لاجواب ہے ہمیں اس تحقیق کی ضرورت نہیں ہے کہ کس کا، ہمیں چونکہ آم کھانے ہیں درخت نہیں گننا ہیں۔ ہم نے یہاں اس لیئے پیش کیا ہےکہ۔ اس میں شاعر اپنی بے بسی کا اظہار کر رہا ہے جوکہ اس شعر سے ظاہر ہورہی ہے؟
ع۔ محمد ﷺ حامد حمد خدا بس خدا مدح آفریں مصطفیٰﷺ بس
اس میں جو اشارہ ہے ان وہ ان 38 آیات کی طرف ہے جن میں اللہ سبحانہ تعالیٰ نے مختلف خواص کے ساتھ حضور ﷺ کی تعریف بیان فرمائی اب آجا ئیے آیت کی طرف پہلی آیت میں اللہ تعالیٰ نے نہ صرف حضور ﷺ کا تعارف کرایا ہے بلکہ اس میں ان کے ساتھی بھی شامل ہیں وہ سورہ فتح کی آیت نمبر29ہے۔ جس کااردو ترجمہ یہ ہے کہ وہ اللہ ایسا ہے کہ اس نے اپنے رسول ﷺ کی ہدایت کا سامان (یعنی قرآن جیسی کتاب)اور اسلام جیسا دین دیکر دنیا میں حضور ﷺ کو بھیجاتاکہ اس کو تمام دینوں پر غالب کرے اور اللہ کافی گواہ ہے۔ محمد ﷺ اللہ کے رسول ﷺ ہیں اور جو لوگ ان کے ساتھ ہیں اور آپ کے صحبت یافتہ ہیں وہ مخالفین کے مقابلے میں سخت ہیں اور آپس میں مہربان ہیں (اے مخاطب)تو ان کو دیکھے گاتو وہ کبھی رکوع کر رہے ہیں کبھی سجدہ کر رہے ہیں اللہ تعالیٰ کا فضل اوررضامندی کی جستجو میں لگے ہیں سجدو کے نشان ان چہروں سےظاہر ہیں؟ ان کی پہچان یہ ہی تورات اور انجیل میں بھی ہے۔دوسری آیت ہے(سورہ آل ِ عمران کی آیت نمبر 164) ًبے شک اللہ نے بڑی مہربانی فرمائی کہ انہیں کی قوم میں سے پیغمبرﷺ بھیجا جو کتاب اور حکمت سکھاکر انہیں پاک کرتا ہے اس سے پہلے وہ صریحاً گمراہی میں تھے۔
اب ہم اس سلسلہ کی تیسری سورہ احراف کی آیت نمبر 157 پیش کرتے ہیں۔ جس میں اللہ سبحانہ تعالیٰ نے حضور ﷺ کی خوبیاں بیان فرمائی ہیں جس کا اردو ترجمہ پیش ِ خدمت ہے جس کو مسند ِ احمد نے تحریر فرما یا اور ابن ِ کثیرؒ نے سورہ احراف کی آیت 157 کی تفسیرمیں تحریر کیا ہے کہ ” جو لوگ ایسے رسول، نبی ﷺ امی کی پیروی کرتے ہیں جن کو وہ لوگ اپنے تورات اور انجیل میں لکھا پاتے ہیں جو انہیں اچھائی کا حکم دیتا ہے اور برائیوں سے روکتا ہے اور پاک چیزیں ان پر حلال کرتا ہے اور ناپاک چیزوں کو ان پر حرام کرتا ہے اور ان سے ان کے بوجھ اتارتا ہے۔اور وہ طوق جو ان کی گردنوں میں پڑے ہوئے تھے۔پس جو لوگ اس ﷺپر ایمان لا ئیں اور اس ﷺکی عزت اور مدد کریں اور اس نور(قرآن) کی پیروی کریں جواس کے ساتھ اتارا گیا ہے وہ کامیاب اورنجات یافتہ ہیں۔ اس دور میں حضور ﷺ کی آمد کے قصے عام تھے اور بہت سے قبائل مدینہ منورہ میں آکر اس امید پر آباد ہوگئے تھے کہ وہ شاید ہمارے دور میں تشریف لے آئیں؟ بلکہ کچھ لوگ تو وہاں کے قدیم باشندوں کو ڈرایا بھی کرتے تھے کہ نبی ﷺ “آخر الزماں کو آجانے دو پھر دیکھنا “اور ان کی کتابوں میں حکم بھی تھا کہ جب وہ نبی ﷺ آخر زماں آجا ئیں تو ان کی مدد کرنا اور ان کا ساتھ دینا جیسے کہ حضور ﷺ کی بعثت پر حضرت ورقہ بن نوفلؓ نے اپنے جذبات میں اظہار کیا تھا جو انجیل کے عالم تھے اس واقعہ سے سب واقف ہیں لہذا اسے دہرانے کی ضرورت نہیں ہے؟ اب جو ہم یہاں پیش کر رہے ہیںوہ مسند احمد میں ہے کہً ایک صاحب فرماتے ہیں کہ میں کچھ خرید فروخت کا سامان لیکر مدینہ منورہ آیاجب اپنی تجارت سے فارغ ہوا تو میں نے کہا کہ وہ ﷺ آچکے ہیں ان کے بڑے چرچے بھی ہیں انہیں بھی دیکھ لیں، جنہوں نے نبی آخر الزمان ﷺ ہونے کا دعویٰ کیا ہے۔ میں ان کی طرف چلا تو دیکھا کہ حضرت ابو بکر ؓاور عمرؓکے ساتھ آپ ﷺ کہیں تشریف لے جارہے ہیں۔میں بھی انکےﷺ پیچھے ہولیاآپﷺ ایک یہودی عالم کے گھر گئے اس کا نوجوان بیٹا حالتِ نزع میں تھااور اس کا باپ تورات کی تلاوت کر رہا تھا؟آنحضرت ﷺنے اس سے دریافت کیاکہ تجھے اس کی قسم جس نے یہ تورات نازل کی ہے کیا میری صفت اورمیرے مبعوث ہونے کااس میں کہیں ذکر ہے یا نہیں ہے؟اس نے اپنے سر کے اشارے سے انکار کیااسی وقت اس کا بچہ بول اٹھا کہاکہ اس کی قسم جس نے تورات نازل فرمائی ہم آپ کیﷺصفات اور آپ کے آنے کا حال اس میں پاتے ہیں اور میری تہ دل سے گواہی ہے کہ معبود بر حق صرف اللہ تعالیٰ ہے اور آپ اس کے سچے رسول ﷺہیں۔آپ ﷺ نے فرمایا اپنے اس بھائی کواس سے الگ کرو یہ تو اپنا بھائی ہے۔اور اس کی نماز جنازہ پڑھائی۔

SHARE

LEAVE A REPLY