صبح تا شام فاطمہ زہرا،بلال رشید

0
145

ناز اسلام فاطمہ زہرا
آپ کا نام فاطمہ زہرا

خم کے پیغام کو جہاں میں کیا
آپ نے عام فاطمہ زہرا

آپ کا تذکرہ بناتا ہے
میرے سب کام فاطمہ زہرا

لے کے کوثر کا دیجے بابا سے
مجھ کو اک جام فاطمہ زہرا

رب کی جانب سے تھے حسین و حسن
تجھ پہ انعام فاطمہ زہرا

کون سمجھے گا آپ سے بڑھ کر
دیں کے احکام فاطمہ زہرا

یہ قصیدہ تھا جانب حق سے
مجھ پہ الہام فاطمہ زہرا

کاش ہو ساٹھ تیرے بچوں کے
میرا انجام فاطمہ زہرا

بھیجتا ہے بلال تجھ پہ درود
صبح تا شام فاطمہ زہرا

بلال رشید

SHARE

LEAVE A REPLY