ملکی سلامتی کیلئےآخری حد سےآگے جائیں گے،آرمی چیف

0
311

آرمی چیف جنرل راحیل شریف نے کہا ہے کہ دہشت گردی کے طوفان پر جس طرح قابو پایا دنیا میں کوئی اور نہیں کر سکا، مودی ہو، را ہو یا کوئی اور، دشمن کی چالوں کو اچھی طرح سمجھ چکے ہیں، دنیا کچھ بھی سمجھے یہ ہماری بقا کی جنگ ہے، اس کو اسی طرح لڑیں گے، ملکی سلامتی کے لیے آخری حد سے بھی آگے جائیں گے۔

آرمی چیف جنرل راحیل شریف نے گلگت میں سی پیک سیمینار سے خطاب کرتے ہوئے کہا کہ کرپشن، دہشت گردی کے بدی کے گٹھ جوڑ کو ہر قیمت پر ہر سطح پر توڑا جائے گا۔

انہوں نے کہا کہ دہشت گردی کے طوفان پر جس طرح قابو پایا دنیا میں کوئی اور نہیں کر سکا، مودی ہو را ہو یا کوئی اور، دشمن کی چالوں کو اچھی طرح سمجھ چکے ہیں، دنیا کچھ بھی سمجھے یہ ہماری بقا کی جنگ ہے، اس کو اسی طرح لڑیں گے۔

آرمی چیف جنرل راحیل شریف نےگلگت میں سی پیک سیمینار سے خطاب میں دو ٹوک الفاظ میں کہہ دیا کہ پورے یقین کے ساتھ کہہ سکتا ہوں کہ صحیح سمت میں جا رہے ہیں، ضرب عضب پر پیش رفت ہو رہی ہے،ملکی سلامتی کے لیے آخری حد سے بھی آگے جائیں گے، قوم کو یقین دلاتے ہیں ملک اور سرحدیں بالکل محفوظ ہیں۔

آرمی چیف نے کہا کہ سی پیک کی سیکیورٹی ہر قیمت پر یقینی بنائیں گے، گلگت بلتستان کو بہت اچھی طرح جانتا ہوں، کوئی شک نہیں گلگت بلتستان کے لوگوں سے زیادہ جفاکش کوئی نہیں۔

انہوں نے یہ بھی کہا کہ چینی قیادت بھی چاہتی ہے کہ گلگت بلتستان کو ارمچی کی طرح ترقی دی جائے، مجھے کوئی شک نہیں کہ گلگت بلتستان اسی طرح ترقی کرے گا جیسے دوسری طرف چین کا علاقہ ہے۔

آرمی چیف نے کہا کہ یوتھ نے جیسے میرا استقبال کیا انہیں بتا دوں پاکستان آرمی آپ کی آرمی ہے، فوج پوری قوم کے بھلے کے لیے کام کر رہی ہے۔

اس سے قبل سی پیک سیمینار میں آرمی چیف کی آمد کا اعلان ہوتے ہی نوجوان پرجوش ہو گئے، قراقرم ہونیورسٹی کے طلبا و طالبات مارے جذبات سیٹیاں بجاتے رہے، دیر تک تالیاں بجا کر جنرل راحیل شریف کا استقبال کیا گیا

SHARE

LEAVE A REPLY