کشمیر کے متنازعے علاقے میں لائن آف کنٹرول پر بھارتی اور پاکستانی فورسز کے مابین شدید فائرنگ کے نتیجے میں دو پاکستانی فوجیوں سمیت سات افراد مارے گئے۔ پاکستانی فوج کی طرف سے جاری کردہ ایک بیان کے مطابق اس تازہ کارروائی میں بھارتی فورسز نے دانستہ طور پر شہری آبادی کو نشانہ بنایا۔ بتایا گیا ہے کہ اس کارروائی کے نتیجے میں تین ہلاکتیں بھارتی جبکہ چار پاکستانی زیر انتظام کشمیر میں ہوئیِں۔ دونوں ممالک نے ایک دوسرے پر سیز فائر معاہدے کی خلاف ورزی کا الزام عائد کیا ہے۔
