ایک زمانہ تھا کہ برطانیہ میں جب کسی ایشیائی کے گھر سے کھانا پکاتے ہوئے لہسن کی خوشبو ساتھ والے کے گورے کے گھر میں جاتی تھی تو وہ پولیس کو فون کر دیتا تھا اور پھر پاکستانی انڈین اور مرچ کھانے والے دوسرے لوگوں کو دیکھ انگریز حیرت کرتا تھا
اب برسوں بعد حالت یہ ہے کہ انگریز ہم سے زیادہ تیز مرچ کھاتا ہے اور لہسن خود ہم سے زیادہ استعمال کرتا ہے۔ ایشیائی ریستورانوں میں اگر آپ انگریز کو مرچ کھاتے دیکھیں تو حیران رہ جائیں
اور اب تو برطانیہ میں مرچ کھانے کے مقابلے بھی ہوتے ہیں
برطانیہ میں ہو نے والے ایک منفرد مقابلے میں شریک افراد کی آنکھوں سے آنسو اور کانو ں سے دھواں نکلنے لگا کیونکہ یہ مرچیں چبانے کا مقابلہ تھا۔
میڈیا رپورٹ کے مطابق برطانوی قصبے ایسٹ نور میں ہونیوالے اس دلچسپ مگر مشکل مقابلے میں شرکا نے مرچیں کھانے کا مظاہر ہ کیا۔ اس مقابلے میں خواتین اور مردوں دوںوں نے شرکت کی اور مرچیں چبا چبا کر ایک دوسرے کو چیلنج دیتے رہے۔
مقابلے کیلئے برطانیہ کے مختلف حصوں سے خصوصی طور پر منگوائی گئی دنیا کی تیز ترین مرچوں کا استعمال کیا گیا۔ مقابلے میں راکٹ رون نامی شخص نے تمام مرچیں کھا کر جیت اپنے نام کر لی۔
صفدر ھمدانی













