امام عالی مقام جنابِ حسین کے حضور نذرانہ عقیدت محترم شاعر افتخار عارف کے قلم سے
شرف کے شہر میں ہر بام ودر حسین کا ہے
زمانے بھر کے گھرانوں میں گھر حسین کا ہے
فرات وقت رواں دیکھ ! سوئے مقتل دیکھ
جو سر بلند ہے اب بھی وہ سر حسین کا ہے
زمیں کھا گئی کیا کیا بلند وبالا درخت
ہرا بھرا ہے جو اب بھی شجر حسین کا ہے
سوال بیعتِ شمشیر پر سوال بہت
مگر جواب وہی معتبر حسین کا ہے
کہاں کی جنگ کہاں جا کے سر ہوئی ہے کہ اب
تمام عالم خیر و خبر حسین کا ہے
محبتوں کے حوالوں میں ذکر آنے لگا
یہ فضل بھی تو مرے حال پر حسین کا ہے
حضور شافع محشر ، علی کہیں کہ یہ شخص
گناہگار بہت ہے مگر حسین کا ہے
عفت سلطانہ
