چھٹی قسط
11
پروردگار جانتا ہے انکا بس مقام
انکے لیئے ہے صبح بنی انکے نام شام
انکا نظام خالق کونین کا نظام
انکے لیئے زمیں سے فلک تک ہے اہتمام
ہیں معجزات انکے زمانے میں چار سو
ہر اک شہید انکے تصدق میں سرخرو
12
ہرایک شخص خانٗہ زہرا کا آفتاب
ہر رخ سحر کا سامنے انکے ہے بے حجاب
ششماہہ ان کا لکھتا ہے تاریخ انقلاب
انکے لہو سے موت کے چہرے پہ ہے شباب
ہو موت روبرو تو یہ ذکر خدا کریں
تیروں کے سائے میں بھی نمازیں ادا کریں
جاری ہے
