قسط اڑتالیس
کربلا میں
لشکر حسین اور لشکر یزید آمنے سامنے تھے
جنگ کے پہلے حصے میں
حضرت امام حسین علیہ السلام کے لشکر کا علم
حضرت عباس علیہ السلام کے فولادی ہاتھوں میں تھا
جبکہ
جناب زہیر بن قین میمنہ کے سالار تھے
اور
جناب حبیب ابن مظاہر میسرہ کے سالار تھے
اور امام حسین علیہ السلام اور بنی ہاشم کے افراد قلبِ لشکر میں تھے
امام حسین علیہ السلام کا لشکر خیام کے سامنے صف آراء ہوا تھا
جبکہ
خیام کی پچھلی جانب
خندق کھود کر اس میں لکڑیاں ڈال کر انھیں آگ لگا دی گئی تھی
تاکہ
جنگ فقط ایک طرف سے ہو
اور
کوئی دشمن بھی پشت سے خیام پر حملہ آور نہ ہو سکے
امام حسین علیہ السلام کے لشکر میں
بتیس سوار اور چالیس پیادے تھے
لشکریزید میں
سواروں کا سردار عروہ بن قیس لعین
پیادوں کاسردار شبث بن ربعی پلید تھا
لشکر کے میمنہ کی سالاری عمرو بن قیس ملعون کے ہاتھ میں تھی
میسرہ کی سرداری لعین ابن لعین شمربن ذی الجوشن کے پاس تھی
اور
علم درید ملعون کے پاس تھا
مشہور صحابی رسول سعد بن ابی وقاص کے فرزند
عمر بن سعد نے
کمان میں تیر جوڑ کر امام حسین علیہ السلام کے لشکر کی طرف پھینکا
اور غرور سے کہا تھا
اے لوگوں
گواہ رہنا اور امیرالمومنین یزید کو بتانا
کہ
میں وہ پہلا شخص ہوں
جس نے
جنگ کے لیے
امام حسین علیہ السلام کے لشکر کی طرف پہلا تیر پھینکا
اور پھر ہر طرف سے
امام حسین علیہ السلام کے لشکر پر تیر برسانے شروع کر دیے تھے
کافی دیر تک
دونوں لشکروں میں جنگ ہوتی رہی
اس اجتماعی حملے میں
امام حسین علیہ السلام کے آدھے اصحاب جام شہادت نوش کر چکے تھے
اجتماعی حملے کے بعد
جنگ کا رخ بدل گیا
اس کے بعد
دو، یا تین، یاچارافراد مل کر میدان جنگ میں آتے
اور
شجاعت کے ساتھ جنگ کرتے کرتے شہادت سے سرفراز ہوجاتے
اور
کبھی
فقط ایک ہی فرد
میدانِ جنگ میں آتا
دشمن کے ہزاروں فوجیوں پر حملہ کر دیتا
لیکن
ہر کوئی میدانِ جنگ میں جانے سے پہلے
امام حسین علیہ السلام کی خدمت میں حاضر ضرور ہوتا
اور
میدانِ جنگ میں جانے کی اجازت لے کر دشمن پر حملہ کرتا
یوں
جنگ کے پہلے حصے میں
جو اصحاب باوفا شہادت کے مرتبے پر فائز ہوئے
ان میں
نعیم بن عجلان ، عمران بن کعب بن حارث اشجعی ، قاسط بن زہیر
کنانہ بن عتیق ، عمرو بن مشیعہ ، ضرغامہ بن مالک
عامر بن مسلم ، سیف بن مالک نمیری ، عبدالرحمن ارحبی
مجمع عائذی ، حباب بن حارث ، عمرو جندعی
حلاس بن عمروراسبی ، سوار بن ابی عمیرفہمی عماربن ابی سلامہ دالانی
نعمان بن عمرو راسبی ،ابن الحمق کا غلام زاہر بن عمرو ،جبلہ بن علی
مسعود بن حجاج ،عبداللہ بن عروہ غفاری ، زہیر بن بشر خثعمی ،عمار بن حسان
عبداللہ بن عمیر ،مسلم بن کثیر، زہیر بن سلیم ،عبداللہ بن زید بصری
اور ۔۔۔
عبیداللہ بن زید بصری جیسے جید اصحاب تھے
ان کے علاوہ
امام حسین علیہ السلام کے دس غلام
حضرت علی علیہ السلام کے دو غلام
پہلے حملے میں شہید ہوچکے تھے
جن میں
جناب عبد اللہ بن عمیر
جناب حر بن یزید تمینی اریاحی
جناب وہب بن عبد اللہ بن حباب کلبی
جناب جون بن حئی
جناب بریر بن خضیر ہمدانی
جناب عمرو بن خالد ازدی اسدی صیداوی
جناب سعد(سعید) بن حنظلہ تمیمی
جناب مسلم بن عوسجہ کی شہادت ,صحابہ رسول خدا صلی اللہ علیہ و آلہ وسلم
جناب حبیب ابن مظاہر, صحابہ رسول خدا صلی اللہ علیہ و آلہ وسلم اور علی علیہ السلام
جناب انس بن حارث کاہلی ,صحابہ رسول خدا صلی اللہ علیہ و آلہ وسلم
جناب جابر بن عروہ غفاری ,صحابہ رسول خدا صلی اللہ علیہ و آلہ وسلم
جناب عبد اللہ مذحجی جیسے جید اصحاب شامل تھے
جب
باوجود درخواست
کہ
لشکر یزید نے
نماز ظہرکے لیے جنگ بندی نہ کی
تو
حضرت امام حسین علیہ السلام نے
نماز خوف
پڑھانے کی ہدایت فرمائی
جاری ہے
