جہاں روشن است از جمالِ محمد۔ مولاناجامی کی نعت اور سیدعارف معین بلے کا منظوم ترجمہ
ترجمہ نگار: سیدعارف معین بلے
فارسی زبان میں مولانا عبد الرحمن جامی کی خوبصورت نعت
جہاں روشن است از جمالِ محمد
دلم تازہ گشت از وصالِ محمد
خوشا مجلس و مسجد و خانقاہے
کہ در وے بود قیل و قالِ محمد
بہ وصفِ رخش والضحے گشت نازل
چو واللیل شد زلف خالِ محمد
بروے زمین گشت سردارِ عالم
ہر آنکس کہ شد پائمالِ محمد
بجنت ہمہ حوریاں کرد نعرہ
بوقتِ شنیدن وصالِ محمد
شود پاک معصوم کلی گنہ گار
کہ در خواب بیند جمالِ محمد
بود در جہاں ہر کسے را خیال
مرا از ہمہ خوشِ خیال محمد
بصدق و صفا می تواں گشت جامی
غلامِ غلامانِ آلِ محمد
از:حضرت مولانا عبد الرحمن جامی رحمۃ اللہ علیہ
مولا نا عبدالرحمان جامی کی اس ایمان افروز فارسی نعت کےبعداب ملاحظہ فرمائیے اردو زبان میں اس کا منظوم ترجمہ ۔عنوان ہے ۔ہے روشن جہاں از جمال ِمحمد ۔ یہ کاوش سیدعارف معین بلے کی ہے۔انہوں نے ترجمے کے ساتھ ساتھ مولا ناعبدالرحمان جامی کے جذبوں کی بھی ترجمانی کی ہے اور اپنی اس نعت کو ۔ہے روشن جہاں از جمال ِمحمد۔کاعنوان دیا ہے ۔ملاحظہ فرمائیے فارسی نعت کامنظوم ترجمہ۔
منظوم اردو ترجمہ : سید عارف معین بلے
ہے روشن جہاں از جمال ِ محمد
یہ دل جی اُٹھا ، ہے کمال ِ محمد
مجالس، مساجد ہوں یا خانقاہیں
حسیں تر ہیں از قیل و قال ِ محمد
رخ ِ تاباں کی شان میں والضحیٰ ہے
ہے واللیل در زلف و خال ِ محمد
زمیں پر بنا ہے وہ سردار ِ عالم
ہوا جو کوئی پائے مال ِ محمد
شب ِ اسریٰ حوروں کے لب پہ تھا نعرہ
ہے جنت میں وقت ِ وصال ِ محمد
گنہگار بھی پارسا ہوکے اُٹھّے
جو سپنے میں دیکھے جمال ِ محمد
خیالات میں ہے ہر اِک شخص غلطاں
مجھے دم بہ دم ہے خیال ِ محمد
بصدق و صفا بن گیا دیکھو جامی
غلام ِ غلامان ِ آل ِ محمد
نعت :مولا نا عبدالرحمان جامی رحمۃ اللہ علیہ
منظوم اردو ترجمہ ؛سیدعارف معین بلے
عشق ِ رسول مقبول صلی اللہ علیہ ّ آلہ وسلم میں ڈوبی ہوئی مولاناعبدالرحمان جامی کی
ایمان افروز نعت اور اس کے منظوم اردوترجمے کے بعد اب آپ ملاحظہ فرماسکیں گے ،مولانا جامی کی اسی زمین میں سید عارف معین بلے کی طبع زاد نعت ۔اس طبع زادنعت میں کچھ نئے مضامین آپ کو روح کی بالیدگی اور ایمان کی تازگی کاسامان بہم پہنچاتےمحسوس ہوں گے ۔ محبت کایہ رنگ بھی دیکھئے اور سردُھنئے۔
{ادارہ }
جامی کی زمین میں طبع زاد نعت
بیاں کیا کریں ہم کمال ِ محمد
ہے عرش ِ بریں پائے مال ِ محمد
نظر آگیا سنگ ِ اسود حرم میں
رخ ِ تاباں پر ہے یوں خال ِ محمد
تلاوت کروں بھی تو ،میں سوچتاہوں
ہے قرآں میں بھی قیل و قال ِ محمد
تشہد میں بھی ہے درود اپنے لب پر
نمازوں میں بھی ہے خیال ِ محمد
نظر ہی نہ اُٹھّی تو کیا دیکھ لوں گا
رخ ِ تاباں وقت ِ وصال ِ محمد
خدا نے جو پوچھا تُو کیا چاہتا ہے؟
مِرے لب پہ ہوگا سوال ِ محمد
نبی دو ہی چیزیں تو دے کر گئے ہیں
ہے قرآن ِ اقدس یا آل ِ محمد
اگر کوئی پوچھے ہے کیا؟ حسن ِ دُنیا
کہو ، باخدا ہے ۔ جمال ِ محمد
ہے تعبیر کیا خواب کی ؟ یہ بتادیں
سُنی ہے اذان ِ بلال ِ محمد
یہ میزان ِ عدل و مساوات دیکھو
یہ ہے پر تو ِ اعتدال ِ محمد
نہیں ہے خبر، پیر سوجے ہوئے ہیں
اِسے کہتے ہیں ا ِشتغال ِ محمد
وہی تو ہیں پہچان رَبّ ِ عُلیٰ کی
ہے بے مثل بے شک مثال ِ محمد
ہراِک باب سیرت کا یہ کہہ رہاہے
ہیں زندہ سبھی ماہ و سال ِ محمد
بیاں کیا کریں ہم کمال ِ محمد
ہے عرش ِ بریں پائے مال ِ محمد
مولاناجامی کی زمین میں سید عارف معین بلے کی طبع زاد نعت
