پہلا ورلڈ کپ ہی پاکستان کو بہت مہنگا پڑا تھا دوسرے سے بچ گئے۔ ظفر معین بلے جعفری

پہلا ورلڈ کپ ہی پاکستان کو بہت مہنگا پڑا تھا دوسرے سے بچ گئے۔

لڑنا وہیں دشمن کو جہاں گھیر سکو تم
جیتو گے تبھی ہوگی جو پسپاٸی زرا اور
( آنس معین )

تجزیہ کار : ظفر معین بلے جعفری

کرکٹ شاٸقین کو چاہیے کہ دکھ اور ملال کے بجاٸے اپنے ملک کی ٹیم کی اعلی کاردگی پر توجہ دیں اور اسے سراہیں ۔

بے شک اپنے ملک کی ٹیم کی فتح کی امید رکھنا یا اس کے لیے خواہش یا تمنا رکھنا اور دعاٸیں کرنا حب الوطنی کی ایک نشانی ہے لیکن حقاٸق پر نظر رکھنا اور اپنی کوتاہیوں اور کمزوریوں کا اعتراف اور ادراک رکھنا بھی حب الوطنی ہی کی علامت ہے کیونکہ خود احتسابی سے بہتر طرز عمل اور کیا ہوسکتا ہے

پاکستانی ٹیم توقعات پر پوری اتری۔ مجموعی طور پر کارکردگی شاندار قرار دی گٸی۔
مدمقابل کو کمزور یا ناکارہ سمجھنا سب سے بڑی نااہلی ہوتی ہے ۔ کھیل اور کھیلوں میں دلچسپی یقینا“ ایک صحمت مند سرگرمی ہے۔ اگر کھیلاڑی میں اسپورٹس مین اسپرٹ نہ ہو تو اسے خود کو کھلاڑی کہلوانے کاحق نہیں ہونا چاہیے۔ کھیل کا نتیجہ سب جانتے ہیں کہ دو ٹیموں میں سے یقینی طور پر کسی ایک نے جیتنا ہوتا ہے اور ہارنے والے کو کھلے دل سے نتاٸج کو قبول اور منظور کرنا چاہیے اسی کو اسپورٹس مین اسپرٹ کہا جاتا ہے ۔ ہارنے سب سے بڑا فاٸدہ یا مثبت پہلو یہ ہوتا ہے کہ ہارنے والے کو اپنی کوتاہیوں اور کمزوریوں پر توجہ دینے کا موقع میسر آتا ہے

کھیل اور سیاست میں زمین آسمان کا فرق ہے کم از کم پچھتر برس کے تلخ تجربات کے بعد تو اس حقیقت کا ادراک ہو ہی جانا چاہیے۔ ورلڈ کب 1992 محض ایک اتفاق تھا۔ لیکن یہ اتفاق بہت مہنگا پڑا کیوں کہ اس کے نتیجے میں ناسمجھی کی بنیاد ایک لہر سی اٹھی
یہ دل میں اٹھنے والی لہر سے قطعی مختلف تھی۔ لیکن اس ورلڈ کپ کے نتیجے میں سیاست کو کھیل اور کھیل کو سیاست
میں بدل دیا گیا۔ اور ملک کی سڑکوں اور چوراہوں کو اسٹیڈیم سمجھ لیا اور وہاں ٹیسٹ میچ شروع کر دیٸے گٸے ملک کی معیشت کو بری طرح سے نقصان پہنچایا گیا اور سبز باغ دکھا کر پچھتر فیصد ناخواندہ شہریوں کی محرمیوں اور لاچاریوں بےبسیوں سے کھیلا گیا اور پھر ملک کے سیاسی میدان کھلاڑیوں کے سپرد کردیٸے گٸے۔ اور پھر کھیل شروع ہوگیا جو تاحال جاری ہے اور اس حقیقت کو فراموش کردیا گیا کہ یہ ملک کھیل کا میدان نہیں جہاں منٹ منٹ پر کھلاذیوں کی پوزیشنز یا وزیروں کی وزارتوں میں تبدیلی کی جاٸے مگر افسوس پہلے ورلڈ کپ کے منفی نتاٸج مرتب ہوٸے اور بھیانک نتاٸج کےاثرات آج بھی ملک پر مسلط ہیں۔ لہذہ آج کے میچ کے نتیجے جو بھی ہار اور جیت کا فیصلہ ہوا ہے اس کے بعد بس یہی کہا جاسکتا ہے کہ پہلا ورلڈ کپ ہی پاکستان کو بہت مہنگا پڑا تھا اللہ کے فضل و کرم سے دوسرے سے بچ گٸے

آج کے پاکستان اور آسٹریلیا کے مابین ٹی ٹوینٹی کے سیمی فاٸنل کو دیکھنے کےلیے تمام چھوٹے بڑے شہروں میں بڑی اسکرینز کا اہتمام کیا گیا اور ناظرین میں بے پناہ جوش اور جزبہ دیکھنے میں آیا ۔

فاٸنل میچ دیکھنے کےلیے امیر ریاست مدینہ اور وزیر داخلہ نے آج ہی دبٸی جانے کا اعلان کیا تھا لہذہ یوٹرن کے امکانات کو رد نہیں کیا جاسکتا۔