الیکشن کمیشن نے بیان حلفی کے متن کی تیاری شروع کر دی

0
252

سپریم کورٹ کا حلف نامہ سے متعلق فیصلہ الیکشن کمیشن کو موصول ہوگیا جس کے بعد الیکشن کمیشن نے بیان حلفی کے متن کی تیاری شروع کر دی۔

ذرائع کے مطابق الیکشن کمیشن کی لیگل ٹیم نے حلف نامہ کےمتن کوحتمی شکل دیناشروع کردیا ہے اور اسے چیف الیکشن کمشنرکی منظوری کےبعد آج ہی جمع کرایا جائے گا۔

واضح رہے کہ کاغذات نامزدگی سےمتعلق اسپیکر قومی اسمبلی ایازصادق کی درخواست پر چیف جسٹس پاکستان جسٹس ثاقب نثار کی سربراہی میں پانچ رکنی لارجر بینچ نے سماعت کی۔

سماعت میں چیف جسٹس نے احکامات جاری کرتے الیکشن کمیشن کوایک گھنٹےمیں بیان حلفی کامتن جمع کرانے کا حکم جاری کیا اور ساتھ ہی تمام امیدواروں کو پابند بنایا کہ وہ تین یوم میں بیان حلفی جمع کروانے کے پابند ہوں گے۔

SHARE

LEAVE A REPLY