پی ٹی وی کے سنہرے دور میں خبر نامہ کو ایک خاص اہمیت حاصل تھی جب خبریں بہت سکون اور صحیح تلفظ سے پڑھی جاتی تھیں گھر کے بزرگ بہت شوق سے اور سنجیدگی سے یہ خبر نامہ سنتے تھے اور کسی بھی خبر کو فیک کہنے یا سمجھنے کا رواج نہیں تھا ،ماہ پارہ صفدر کا تعلق اسی دور سے ہے ان کاخبریی پڑھنے کا انداز اور دلکش شخصیت اس دور کے لوگوں کو اب بھی یاد ہے ، بعد کے دنوں میں وہ بی بی سی لندن سے وابستہ ہو گئیں اور وہیں رہائش اختیار کر لی

آ جکل وہ پاکستان آ ئی ہوئی ہیں ان سے پہلی ملاقات الحمرا میں ہوی جہاں ان کی کتاب کی تقریب رونمائی تھی ان کی کتاب ،، میرا زمانہ میری کہانی ،، ایک عہد کی کہانی ہے جب مارشل لاء کے زمانے میں پی ٹی وی میں کتنی مشکلات تھیں

اس کے علاؤہ کتاب میں دلچسپ واقعات بھی ہیں اور ساتھ ساتھ اپنے خاندان کا بھی ذکر ہے جب مصطفی ہمدانی صاحب کے بیٹے صفدر ہمدانی سے ان کی شادی ہوئی آور وہ ماہ پارہ زیدی سے ماہ پارہ صفدر بن گئیں ،

ماہ پارہ سے دوسری ملاقات کل شاہین اشرف علی کے گھر پر ہوئی جہاں وہ اپنی بہنوں طلعت اور فوزیہ کے ساتھ آ ئی تھیں ان سے اچھی گپ شپ رہی غلام زہرہ کی فرمائش پر انہوں نے اپنے مخصوص انداز میں اسی دور کے انداز میں خبر نامہ کی ابتدائی لائیز سنائیں بہت اچھی نشت رہی

میں نے انھیں اپنی کتاب ،، پری گل ،، پیش کی اور مجھے خوشگوار حیرت ہوئی جب انہوں نے بتایا کہ یہ کتاب ان کے پاس پہلے سے موجود ہے انہیں بچوں کے لیے لکھنے والے پسند ہیں

 شاہین اشرف علی ایک وضع دار شخصیت ہیں انہوں نے افطاری اور کھانے کا پرتکلف اہتمام کیا تھا جس کی ماہ پارہ نے دل کھول کر تعریف کی

کھانے کے بعد شاہین کی اینٹیک جیولری ،ٹقافتی ڈریسز اور ٹوپیوں کا کلیکشن دیکھا ، ماہ پارہ صفدر تصنع وبناوٹ سے پاک سادہ اور پرخلوص شخصیت لگیں جن کے ساتھ وقت گزرنے کا احساس نہیں ہوا-

SHARE

LEAVE A REPLY