عراق کے ایک سرکردہ مذہبی سیاسی رہ نما اور الصدرگروپ کے سربراہ مقتدیٰ الصدر نے سات ارب دینار بارش میں بہہ جانے کے نتیجے ضائع ہونے پراس کے ذمہ داروں کو کٹہرے میں لانے کا مطالبہ کیا ہے۔
العربیہ ڈاٹ نیٹ کے مطابق ایک بیان میں مقتدیٰ الصدر نے کہا کہ یہ بات ناقابل یقین ہے کہ بارش کاپانی کسی بنک کے اندر محفوظ اربوں دینار تباہ کردے۔ ان کا کہنا تھا کہ سات ارب دینار بارش کے پانی میں تلف نہیں بلکہ کرپشن کی نذر ہوئے ہیں۔ میں عدالت سے مطالبہ کرتا ہوں کہ وہ اس معاملے میں مداخلت کرے اور قومی خزانے کو نقصان پہنچانے کے ذمہ داروں کا محاسبہ کیا جائے۔
خیال رہے کہ حال ہی میں عراق کے مرکزی بنک کے گورنر نے دعویٰ کیا تھا کہ حالیہ برشوں کے دوران پانی ایک بنک میں داخل ہو گیا جس کے نتیجے میں کم سے کم 7 ارب دینار تلف ہوگئے تھے۔ امریکی کرنسی میں یہ رقم 50 لاکھ ڈالرکے برابرہے۔
مائیکرو بلاگنگ ویب سائیٹ “ٹوئٹر” پر پوسٹ کردہ ایک بیان میں مقتدیٰ الصدر نے عدلیہ سے مطالبہ کیا کہ وہ سات ارب دینار ضائع کرنے والوں کا تعین کرکے اور ان کے خلاف سخت قانونی کارروائی عمل میں لا کرقومی خزانے کو پہنچنے والے نقصان کا ازالہ کرے۔
