ايران اقتصادی اور عسکری جارحيت کے خلاف اپنا دفاع کرے گا۔ يہ بات ايرانی وزير خارجہ محمد جواد ظريف نے عراق کے دورے پر بغداد ميں اتوار کو ايک پريس کانفرنس سے اپنے خطاب ميں کہی۔ انہوں نے يورپی رياستوں پر بھی زور ديا کہ وہ جوہری ڈيل کو بچانے کے ليے زيادہ کوشش کريں۔ اس موقع پر ان کے عراقی ہم منصب محمد الحکيم نے کہا کہ وہ يکطرفہ امريکی اقدامات کے مکمل خلاف ہيں اور ان کا ملک ايران کے ساتھ کھڑا ہے۔ الحکيم نے روايتی حريف ممالک ايران اور امريکا کے مابين حاليہ کشيدگی ميں کمی کے ليے ثالثی کی پيشکش بھی کی۔ دريں اثناء نائب ايرانی وزير خارجہ عباس عراقچی بھی اس وقت علاقائی صورتحال پر تبادلہ خيال کے ليے عمان ميں ہيں۔
