نیپال کے دو شہروں کے عہدیداروں نے بالی وڈ فلموں کی نمائش پر اس وقت پابندی لگا دی ہے۔ عہدیداروں کا کہنا ہے کہ یہ پابندی اس وقت تک برقرار رہے گی جبکہ بھارتی فلم آدی پروش سے متنازعہ جملوں کو حذف نہیں کیا جائے گا۔
نیپال کے درالحکومت کھٹمنڈو کے میئر نے پیر کے روز بھارتی فلموں کی نمائش پر پابندی کا آغاز کر دیا ۔ بھارتی فلم آدی پروشمیں ہندو مذہب کے حوالے سے متنازعہ ڈائیلاگ کے باعث پابندی لگائی گئی۔
پربھاس ، کریتی سینین ، سیف علی خان نے آدی پروش فلم میں مرکزی کردار ادا کیا، یہ فلم ہندی سمیت چار دیگرزبانوں میں جمعہ کے روز دنیا بھرمیں نمائش کے لیے پیش کی گئی۔
اس فلم کی کہانی رامائن بادشاہ رام کی ہے جو اپنی بیوی سیتا کو بچانے کی کوشش میں دکھائی دیتا ہے۔
ہندو مذہب کے ماننے والوں کا خیال ہے کہ سیتا کی پیدائش نیپال کے جنوبی حصے جھنک پور میں ہوئی۔ جبکہ اس فلم میں اس کے برعکس پیش کیا گیا ہے۔ فلم کے مطابق سیتا کا جنم بھارت میں بتایا گیا ہے۔ جس کی وجہ سے کھٹمنڈو میں ہندو مذہب کے ماننے والے اعتراض اٹھا رہے ہیں۔
فلم کی ریلیز سے قبل ہی کھٹمنڈو کے میئر نے متنبہ کیا کہ اگر فلم میں یہ متنازعہ حصہ کو حذف نہ کیا گیا تو اس کی نمائش پر پابندی عائد کر دی جائے گی۔ نیپال میں تو مقامی طور پر اس حصے کو کاٹ دیا گیا ہے۔ تاہم نیپال سے باہر فلم میں کوئی تبدیلی نہیں ہوئی، اس لیے میئر نے احتجاج کے سلسلے کا آغاز کردیا ہے۔ انہوں نے مطالبہ کیا ہے کہ اس حصے پر پابندی لگائی جائے۔ میئر کے مطابق پیر سے کسی بھی ہندوستانی فلم کی نمائش پر پابندی عائد کردی جائے گی۔ جب تک کہ فلم آدی پروش سے قابل اعتراض مواد کوہٹایا نہیں جاتا۔
