لمحہ با لمحہقومی خبریںبین الاقوامی خبریںتجارتی خبریںکھیلوں کی خبریںانٹرٹینمنٹصحتدلچسپ و عجیبخاص رپورٹ
امیر جمعیت علماء اسلام مولانا فضل الرحمان نے کہا ہے کہ ملکی معیشت کو گزشتہ 4 برس میں زمین بوس کیا گیا، اسے دوبارہ اٹھانا بڑا چیلنج ہے۔
پشاور میں میڈیا سے گفتگو میں مولانا فضل الرحمان نے کہا کہ کوئی شک نہیں کہ ملک اس وقت بڑے بحرانوں کا مقابلہ کر رہا ہے۔
جے یو آئی سربراہ نے مزید کہا کہ دنیا کی کسی طاقت کو بھی پارلیمنٹ پر دباؤ کا کوئی حق حاصل نہیں۔
ان کا کہنا تھا کہ ہم دنیا کے ساتھ تعلقات برابری کی بنیاد پر چاہتے ہیں، پوچھتا ہوں کہ صرف اسلام نشانے پر کیوں ہے؟
مولانا فضل الرحمان نے یہ بھی کہا کہ 20 سال میں افغانستان پر جنگ مسلط کی گئی، امریکا اب سپر طاقت نہیں رہا، امریکا افغانستان میں شکست کھا چکا۔
