”رنگیلا رسول“1920 میں پنجاب کے آریہ سماجی اور مسلمانوں کے درمیان برپا ہونے والے مناقشے کا نتیجہ ہے۔ یہ متنازعہ کتاب پیغمبر اسلام کی خانگی زندگی پر مشتمل ہے۔ اس کے مصنف ایک آریہ سماجی پنڈت چموپتی ایم اے یا کرشن پرشاد پرتاب ہیں جنہوں نے 1927 میں اسے پہلی بار شائع کیا۔ یہ بھی کہا جاتا ہے کہ یہ اس پمفلٹ کاردعمل تھا جسے ایک مسلمان نے شائع کیا تھا اور جس میں ہندوؤں کی مقدس دیوی سیتا کو فاحشہ کی حیثیت سے پیش کیا گیا تھا۔
مسلمانوں نے اس کتاب پر اپنا سخت ردعمل دکھایا، ان کی شکایت پر اس کتاب کے پبلشر راج پال کو گرفتار کرلیا گیا لیکن پانچ سال بعد اپریل 1929 کو اسے رہا کردیا گیا ، کیوں کہ اس وقت توہین مذہب کے خلاف کوئی قانون نہیں تھا۔ یہ مقدمہ جسٹس شاہ دین کی عدالت میں چلا جس میں راج پال نے کہا کہ اس کتاب میں ایک لفظ بھی ہمارا نہیں یہ سب مسلمانوں کی احادیث کی کتابوں سے حوالوں کے ساتھ لیا گیا ہے، کئی ناکام حملوں کے بعد ، بالآخر غازی علم دین نام کے ایک نوجوان نے 6 اپریل 1929ءکو راج پال کو خنجر سے قتل کردیا
اسی تناظر میں میری اس تحریر میں قسم خدا کی ایک لفظ بھی میرا نہیں یہ وہ واقعات اور سانحات ہیں جو جیسے رپورٹ ہوئے لکھ دیئے لیکن اس آئینے میں اپنی اپنی شکل دیکھئے اور سوچیئے کیا ہم واقعی اشرف المخلوقات ہیں؟ بلکہ کیا ہم انسان کہلانے کے بھی قابل ہیں؟ جانوروں کی زندگیوں کا مطالعہ کیجئے شاید خود سے شرمندگی ہو کہ یہ سب تو جانور بھی نہیں کرتے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تازہ ترین واقعہ
لاہور کے علاقے گجر پورہ میں موٹر وے پر خاتون کو اجتماعی زیادتی کا نشانہ بنایا گیا۔
درندہ صفت دو افراد نے موٹر وے پر کھڑی گاڑی کا شیشہ توڑ کر خاتون اور اس کے بچوں کو نکالا، موٹر وے کے گرد لگی جالی کاٹ کر قریبی جھاڑیوں میں لے گئے اور خاتون کو بچوں کے سامنے زیادتی کا نشانہ بنایا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور کی ننھی زینب کے ساتھ زیادتی کے بعد اسے اذیتیں دے کر قتل کیا گیا اور اس کی لاش اغوا کے تین روز بعد کچرے کے ڈھیر سے ملی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گزشتہ برس پاکستان میں کم عمر بچوں اوربچیوں سے زیادتی کے 4ہزار واقعات رپورٹ ہوئے جبکہ بہت سے واقعات متاثرہ خاندانوں کی جانب سے رپورٹ نہیں کیے جاتے۔ بچوں کے ساتھ جنسی زیادتی انتہائی گھناؤنا فعل ہے، جنسی زیادتی کرنیوالا شخص بُری نیت سے بچے کو چھوتا ہے اور اکثر واقعات میں یہ بھی دیکھا گیا ہے کہ بدفعلی کے دوران ملزمان بچے کی ویڈیو بھی بناتا ہے
،،،،،،،،،،،،،،،،،،،،،،،،،،،،،
انڈیا میں ہر سال دسیوں ہزار ریپ ہوتے ہیں اور ویسے تو ہر ریپ ہی جنجھوڑ کے رکھ دیتا ہے لیکن کئی واقعات ایسے بھی ہیں جن سے لگتا ہے کہ معاشرہ بالکل ہی اپنے حواس کھو بیٹھا ہے۔
اسی طرح کا دل ہلا دینے والا ایک واقعہ دلی میں ہوا، جہاں پولیس نے ایک 30 سالہ شخص کو گرفتار کیا ہے جس پر ایک 86 سالہ دادی کو ریپ اور اس پر تشدد کرنے کا الزام ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔
انڈیا کی ریاست کیرالہ میں ایک خاتون کا کہنا ہے کہ مبینہ گینگ ریپ کے بارے میں پولیس کو مطلع کرنے پر پولیس نے اُن نے غیر مہذب سوالات پوچھے ہیں۔
انھوں نے بتایا کہ جب پولیس کو انھوں نے بتایا کہ دو سال قبل انھیں گینگ ریپ کا نشانہ بنایا گیا تو ایک اہلکار نے اُن سے پوچھا کہ کس آدمی نے انھیں ’سب سے زیادہ سرور دیا۔‘
خاتون کا کہنا ہے کہ پولیس کے ’ظالمانہ رویے‘ کی وجہ سے انھیں اپنی ایف آئی آر وآپس لینی پڑی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ریپ کی ویڈیوز وائرل ہونے کا پریشان کن رجحان دیکھا جا رہا ہے۔ اس ٹرینڈ کے بعد بہت سے لوگوں کا یہ خیال ہے کہ سمارٹ فون کے ذریعے فحش فلمیں یا پورن ویڈیوز تک آسان رسائی اور جنسی تعلیم کی کمی کا نتیجہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور میں بچوں سے جنسی زیادتی کے واقعات کو 2015 کا سب سے بڑا سکینڈل سمجھا جا رہا ہے۔ 2006ء سے 2014ء کے دوران حسین والا ضلع قصور میں 280 سے 300 بچوں کو جنسی زیادتی کا نشانہ بنا کر اُن کی ویڈیو بنائی گئی اور پھر ان ویڈیوز کی مدد سے ماں باپ کو بلیک میل کر کے لاکھوں روپے بٹورے گئے۔ کچھ لوگوں نے یہ بھی الزام لگایا کہ اس واقعے میں پولیس اور مقامی ایم پی اے ملک احمد سعید بھی ملوث ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شام میں ایزیدی تین ہزار خواتین اور لڑکیاں روزانہ داعش کے تشدد اور جنسی زیادتی کا نشانہ بنتی ہیں۔
اقوام متحدہ کے بین الاقوامی خود مختار تحقیقاتی کمیشن کی جانب سے جاری کردہ اس اعلامیہ میں داعش کے چنگل سے نجات پانے کے منتظر ایزیدی قیدیوں کی صورتحال پر توجہ مبذول کرائی گئی ہے۔
اعلامیہ میں کہا گیا ہے کہ اس خونی دہشت گرد تنظیم نے تین سال قبل ایزیدیوں کا قتل عام شروع کیا تھا جو کہ آج تک جاری ہے، ہزاروں کی تعداد میں ایزیدی نوجوان لڑکے لاپتہ ہیں اور ان کی خواتین کی عصمت دری کی جاتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان کے زیرِ انتظام کشمیر کی قانون ساز اسمبلی نے ایک ایسا بل مجلس قائمہ برائے قانون و انصاف کو مزید کارروائی کے لیے بھیج دیا ہے جس میں بچوں سے زیادتی کا ارتکاب کرنے والے مجرموں کو جنسی صلاحیت سے محروم کرنے کی سزا سمیت سخت سزائیں تجویز کی گئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صوبہ پنجاب کے حکام کا کہنا ہے کہ قصور کے علاقے چونیاں میں چار بچوں کے ساتھ جنسی زیادتی کے بعد انھیں قتل کرنے والے مبینہ ملزم کو ڈی این اے کی شناخت کے بعد گرفتار کر لیا گیا ہے
انھوں نے بتایا کہ زیادتی کے بعد چار بچوں کو قتل کرنے کے واقعہ میں ایک ہی ملزم ہے، ایک بچے کی لاش اور تین بچوں کی ہڈیوں سے ڈی این اے کے ذریعے ملزم کو شناخت کیا گیا ہے۔‘
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان میں بچوں کے حقوق کے لیے کام کرنے والے غیر سرکاری ادارے ساحل کے اعداد و شمار کے مطابق ملک میں ہر روز 9 سے زیادہ بچے جنسی تشدد کا شکار ہوتے ہیں۔
رپورٹ کے مطابق 60 فیصد کیسز میں بچے کو ہراساں کرنے والے قریبی لوگ یا خاندان کے افراد ہوتے ہیں۔
اس رپورٹ کو 91 اخبارات کی رپورٹس کو مانیٹر کرنے کے بعد مرتب کیا گیا ہے۔
رپورٹ کے مطابق سال 2017 میں بچوں کے اغوا کے 1039 واقعات سامنے آئے جبکہ لڑکیوں کے ساتھ ریپ کے 467، لڑکوں کے ساتھ ریپ کے 366، زیادتی کی کوشش کے 206، لڑکوں کے ساتھ اجتماعی ریپ کے 180 اور لڑکیوں کے ساتھ اجتماعی ریپ کے 158 واقعات رپورٹ ہوئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بچوں کے ساتھ جنسی تشدد کے بیشتر واقعات میں زیادتی کرنے والے بچوں کے قریبی لوگ ہوتے ہیں جن میں رشتہ دار اور پڑوسی شامل ہیں۔ ان واقعات میں ہمارے معاشرے کے معتبر شعبوں سے تعلق رکھنے والے افراد بھی ملوث ہوتے ہیں جن میں مولوی، پولیس اہلکار اور اساتذہ سرِفہرست ہیں۔
جنسی استحصال کی مختلف اقسام ہیں جن میں عصمت دری، جنسی رابطہ جیسے چھونے، زبردستی بوسہ لینا یا رگڑنا، گندے یا نامناسب لطیفے اور کہانیاں سنانا، بچوں کو کپڑے اتارنے پر مجبور کرنا یا مدعو کرنا، دوسروں کو بچوں کے ساتھ جنسی حرکتیں کرتے ہوئے دیکھنا یا کسی بچے کو جنسی حرکتیں دیکھنے کے لئے مجبور کرنا، جنسی طور پر نامناسب رویے کی حوصلہ افزائی کرنا اور بچے کو مستقبل میں جنسی رابطے کے لئے تیار کرنا شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم میں 6 سالہ معصوم بچی سے زیادتی کی کوشش کرنے والا امام مسجد رنگے ہاتھوں پکڑا گیا، عوام نے خوب درگت بنا کر پولیس کے حوالے کردیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پولیس نے پنو عاقل کے نواحی علاقے دلدار سمیجو میں 10 سالہ بچی سے زیادتی کرنے والا امام مسجد کو گرفتار کر لیا۔
ایس ایس پی سکھر عرفان سموں کے مطابق تین روز قبل بائیجی کے گاؤں دلدار سمیجو کے رہائشی احسان سمیجو نے ملزم شفقت سمیجو کے خلاف بچی سے زیادتی کی شکایت درج کرائی تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب پولیس نے گوجرانوالہ میں 3 سالہ بچی سے زیادتی کرکے اسے قتل کرنے والے سفاک ملزم کو گرفتار کر لیا ہے۔
پولیس کے مطابق یہ افسوسناک واقعہ پنجاب کے ضلع گوجرانوالہ میں تھانہ علی پور چٹھہ کے علاقہ میں پیش آیا تھا۔ ملزم نے تین سالہ بچی کو گلی سے اغوا کر کے اسے زیادتی کا نشانہ بنایا اور بعد ازاں قتل کرکے اس کی لاش مسجد کے باتھ روم میں پھینک دی تھی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مولوی کی مسجد میں 8 سالہ بچی سے زیادتی کی کوششخدارا اپنے بچوں کی خود حفاظت کریں۔ کسی رشتےدار،کسی ٹیچر، یاکسی مولوی پر اندھا اعتماد مت کریں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رائیونڈ کے علاقہ میں معصوم بچی کو امام مسجد نے زیادتی کا نشانہ بنا ڈالا، بچی کو تشویشناک حالت میں ہسپتال منتقل کردیا گیا۔
تفصیلات کے مطابق پنجاب میں کم سن بچیوں کے ساتھ زیادتی کےواقعات میں اضافہ ہوتا جارہا ہے، رائیونڈ کے علاقہ میں معصوم بچی کو امام مسجد نے زیادتی کا نشانہ بنا ڈالا، بچی کو تشویشناک حالت میں ہسپتال منتقل کردیا گیا۔
بچی سے زیادتی کے بعد امام مسجد موقع سے فرار ہوگیا جبکہ نائلہ بی بی کی عمر 7 سال بتائی جارہی ہے۔
بچی کے والد بچی مسجد میں قرآن مجید پڑھے گئی امام مسجد بہانے سے گھر لے گیا، امام مسجد مصطفے بچی کا رشتے میں چچا بتایا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اعتکاف کے دوران بچے کو ریپ کرنے کی کوشش کرنے والا ملزم گرفتار، سوشل میڈیا کے ذریعے نوجوان کو نشانہ بنانے والا گینگ بے نقاب۔
۔۔۔۔۔۔۔۔۔۔۔۔۔۔۔۔۔۔۔۔۔۔
? امام مسجد اسلام آباد تھانہ ترنول کی حدود میں امام مسجد کی بارہ سالہ بچی سے زیادتی کی کوشش ملزم خلیق بچی کو گھر قرآن پڑھانے آتا تھا. امام مسجد نے بچی سے چھیڑ چھاڑ کر کے زیادتی کی کوشش
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دو افراد نے مسجد سے ملحقہ کمرے میں 10 سال کی بچی کو مبینہ طور پر زیادتی کا نشانہ بنا ڈالا۔ ضلع ہری پور کے گاؤں حطار کی رہائشی خاتون نے پولیس کو بتایا کہ ان کی 10 سالہ بچی گزشتہ کئی ماہ سے مقامی مسجد کے امام کے پاس پڑھنے جاتی تھی۔ دو روز قبل ان کی بیٹی پڑھنے گئی تو امام نے بچی کو مسجد سے ملحقہ کمرے میں موجود کچن میں جا کر برتن دھونے کا کہا جہاں وقاص اور قمر عباس نامی دو ملزمان نے اسے زیادتی کا نشانہ بنایا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی ملیر کے علاقہ میں ایک دیوبندی مسجد کے پیش امام مفتی طارق پر الزام عائد ہوا ہے کہ انہوں نے ایک ۲۲ سالہ لڑکی کے ساتھ زیادتی کی ہے ، لڑکی مسجد کے برابر گھر میں رہتی ہے اور مفتی نے بہانے سے اسے اپنے گھر بلایا کر یہ گھناونا کام انجام دیا۔
تفصیلات کے مطابق لڑکی نے درخواست دی ہے کہ مفتی صاحب نے اسے اپنے کمرے میں بلا کر بھلانے کی کوشیش کی اور منع کرنے پر زبردستی زیادتی کردی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امام مسجد پندرہ سال تک مسجد میں بچوں کو مبینہ طور پر زیادتی کا نشانہ بناتا رہا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جنوبی پنجاب کے ضلع رحیم یار خان میں مدرسے کے استاد نے ننھی طالبہ کو زیادتی کا نشانہ بنا ڈالا۔تھانہ آباد پور کے علاقے بستی محمد علی میں حافظ ایوب انصاری نامی استاد نے مسجد میں اس کے پاس حفظ قرآن کرنے والی ننھی طالبہ کو زیادتی کا نشانہ بنا ڈالا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راولپنڈی میں گیارہ سالہ بچی کے ساتھ ڈیڑھ مہینے سے زیادتی کرنے والا امام مسجد پکڑا گیا
سندھ کے شہر پنو عاقل میں ایک کم سن بچی کو زیادتی کا نشانہ بنایا گیا۔ بچی کا نام افسانہ ہے اور اس کا تعلق پنو عاقل سے ہے۔ افسانہ محلے کی مسجد میں دینی تعلیم حاصل کرنے جاتی تھی جیاں پر امام مسجد نے اس کو زیادتی کا نشانہ بنایا۔
،،،،،،،،،،،،،،،،،،،،،
کوٹلی آزاد کشمیر میں کمسن بچی کے ساتھ امام مسجد کی طرف سےجنسی زیادتی کی کوشش. عوام علاقہ شدید اشتعال میں۔پولیس نے بروقت کاروائی کرتے ہوےً امام مسجد /حافظ قران ملزم کو ایک گھنٹے کے اندرگرفتار کر کے تفتیش شروع کر دی.
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ صفر اعشایہ صفر ایک فیصد واقعات بھی نہیں ہیں جن میں قسم خدا کی ایک لفظ بھی میرا نہیں۔ اسلام نے عورت کو عزت دی کا نعرہ لگانے والو سوچو کیا تم خود دین کی تضحیک کے مجرم نہیں؟
صفدر ھمٰدانی
روح فرسا واقعات ہیں بہت بہت افسوسناک حالات ہیں