جھروکہ ۔۔۔۔۔ زارا مظہر

زارا مظہر ۔۔۔۔ آج سے عالمی اخبار کے ادبی شعبے میں شائع و رہی ہیں۔ ہمیں یقین ہے کہ وہ مستقبل میں اخبار کے لیئے اپنی تخلیقات روانہ کرتی رہیں گی
اپنے تعارف میں خود انہوں نے لکھا ہے

میں سیدھی سادی گھریلو عورت ہوں ۔ شوہر ایک اعلیٰ سرکاری محکمے میں ملازم ہیں ۔ چار بچے ہیں جو یونیورسٹی سے لیکر اسکول تک کے مختلف درجوں میں پڑھتے ہیں۔ کتابیں پڑھنے کا بہت بچپن سے شوق بلکہ عشق ہے ۔ اب بچے کافی بڑے ہوگئے ہیں تو پڑھتے پڑھتے لکھنا بھی شروع کر دیا ہے ۔ نظم نثر دونوں اسناف میں تخلیق کرتی ہوں

صفدر ھمدانی
مدیر اعلیٰ۔ عالمی اخبار
برطانیہ
,,,,,,,,,,,,,,,,,,,,,,,,,,,
جھروکہ ۔۔۔۔۔ زارا مظہر

سفیدے کے درختوں کا رومانس ہو
یا سردی میں کمبل ، کتاب اور کافی
آ تش دان کی چٹختی لکڑی ۔۔۔۔
جل بجھا راکھ کا پھول ۔۔۔۔۔۔
یا دریچے سے لِپٹی کوئی خاموش صدا ۔۔۔۔۔
شمشاد کے تنوں پر مچلتی شرارتی گلہریاں ہوں
آ م کی ٹہنی پر تنہا سہما پپیہا ۔۔۔۔۔
یا ڈاہلیا پر منڈلاتی نِیلی شوخ تِتلیاں ۔۔۔۔۔
جافری کا زعفران زار ہو ۔۔۔۔۔۔ گلاب پہ بھنورا
درختوں کے نیچے قدموں تلے چُرمُراتے پتّے ۔۔۔۔
یا ہوا بردوش دُور ۔۔۔۔ اِک تنہا برگِ آ وارہ ۔۔۔۔
املتاس کی قطار میں گم ہوتا کوئی وعدہ
اور دھند کے گالوں میں بھیگتا ایک نم ہیولا ۔۔۔
یا پریم گھاٹ کی ندی میں ٹھاٹھیں مارتا
محبت کا سفید کنول ۔۔۔۔۔۔
دھیان کی پٹاری میں ۔۔۔۔۔
ماضی کا سرمئی سانپ سرسرا کے
جب ایک دم پَھن کاڑھ لیتا ہے ۔۔۔۔
سب منظر ایک ہوجاتے ہیں ۔۔۔۔
پھر کیا فرق پڑتا ہے کنِیر زرد ہو یا گلابی ۔۔۔۔۔
اوس گِرتی ہے ۔۔۔۔۔۔
قطرہ قطرہ ۔۔۔۔

زارا مظہر