اس بحر بیکراں سے چند قطرے مجھے بھی ۔نصرت نسیم

0
105

نسخہ کیمیا
ربنا ربنا اےمیرے رب
یہ تیرا کلام تیراسب سے بڑا معجزہ
یہ کلام حسن ظاہری بھی وباطنی بھی
نادر وحسین کلام ربانی
جوکبھی کسی نے نہ سنا نہ پڑھا
وہ کلام جس کا جواب جن و انس سےممکن نہیں
ایسا سندر میٹھا، مدھر مترنم
ایک دریائے معنی رواں دواں
ایک بحر بیکراں
سر تاسرشفا ہی شفا
سکون ہی سکون
وہ کلام جس کا ترنم، جس کا آہنگ
بے نظیر، لا ثانی، لا فانی
اےمیرے پیارےرب
خداے لم یزل
مالک ارض و سما
ہے بس میری یہ دعا
اس بحر بیکراں سے چند قطرے مجھے بھی
اس کے معنی و مفہوم تک رسائی
اس پر عمل پیرا ہونے کی توفیق دے
اس کی حلاوت نصیب فرما
میری پوری زندگی کا محور و مرکز
دم آخر لبوں پر جاری وساری فرما

۔نصرت نسیم

SHARE

LEAVE A REPLY