چھایا ہے شہر میں غمِ شبیرِ کربلا
ہر چہرہ ہے بنا ہوا تصویرِ کربلا
آلِ نبی بھی باخبر انجام سے تھے پر
ہاتھوں میں لے کے چل پڑے شمشیرِ کربلا
بادل ترس رہا تھا کہ چھا جائے کوئی پل
روتے ہیں ہائے آج بھی دلگیرِ کربلا
اللہ نے اپنے پیارے کو دیکھا تھا اک نظر
تھا وقت عصر کا ہوئی تسخیرِ کربلا
ہاں واقعہ حسین و حسن کا لکھا تھا جب
ہائے کہ رو پڑی مری تحریرِ کربلا
لاکھوں درود آپ پر اور ہیں سلام بھی
آنکھوں میں آگئی مرے تاثیرِ کربلا
ہے کربلا کا واقعہ پہچان مومنو
ایماں کو تازہ کردے یہ تفسیرِ کربلا
دلشاد نسیم
